Queridos compañeiros:

Como é de agardar, polas datas en que estamos non queriamos deixar pasa-la oportunidade para felicitarvos , e  desexarvos que o ano próximo cólmevos de tódolos desexos que durante o presente fostes acumulando.

Todos sabemos que esta páxina está dirixida a axudar a tódolos que nos precisen, a tódolos  webmasters galegos. E ós usuarios que desexan ter o seu pc en galego, proporcionando traducións ó galego das aplicacións informáticas mais empregadas. Ofrecendolles información e apoio, cousa da que nos encargamos todos, cada un na súa medida. Por isto tamén da-las grazas pola vosa participación e dedicación a que este sitio, onde todos nos atopamos para comparti-las nosas penas, dúbidas e alegrias e onde sempre encontramos algunha man amiga que nos lembra que non estamos sos.

Xa por último, non podemos esquecer os compañeiros que por algunha razón xa non están con nós, reiterandolles a todos o noso especial cariño e lembranza.

A TÓDOLOS QUE FORMAMOS A GRAN FAMILIA DE EGALEGO.COM : FELIZ NADAL E PROSPERO ANO NOVO.

UN ESPECIAL SAÚDO
de todo o equipo de http://www.egalego.com