Este martes 3 comeza na Coruña o Foro Internacional do Videoxogo que organiza o Clúster Audiovisual Galego. O encontro, que contará cunha completa representación da industria mundial do lecer para consolas e computadores, desenvolverase ó longo de tres xornadas e terá lugar en dous escenarios: o Edificio ITE de Caixa Galicia (día 3) e a sede da Fundación desta mesma entidade (días 4 e 5). O gran obxectivo da xuntanza é o seguinte: afondar en novos xeitos de tirar rendemento empresarial do sector do videoxogo dende Galiza,un sector que vai multiplicar por dez a súa presenza no mundo antes de que remate esta década. O encontro tamén servirá para botar unha ollada ó que se está a facer no mundo (sobre todo nos mercados asiático e americano) e -asemade- ó que se está a facer na nosa terra dende as compañías que están hoxe (xa) en activo.
-
Eventos
/
un
Fernando Sarasqueta
Eventos un
Este martes 3 comeza na Coruña o Foro Internacional do Videoxogo que organiza o Clúster Audiovisual Galego. O encontro, que contará cunha completa representación da industria mundial do lecer para consolas e computadores, desenvolverase ó longo de tres xornadas e terá lugar en dous escenarios: o Edificio ITE de Caixa Galicia (día 3) e a sede da Fundación desta mesma entidade (días 4 e 5). O gran obxectivo da xuntanza é o seguinte: afondar en novos xeitos de tirar rendemento empresarial do sector do videoxogo dende Galiza,un sector que vai multiplicar por dez a súa presenza no mundo antes de que remate esta década. O encontro tamén servirá para botar unha ollada ó que se está a facer no mundo (sobre todo nos mercados asiático e americano) e -asemade- ó que se está a facer na nosa terra dende as compañías que están hoxe (xa) en activo.
Fincapé nos xogos encamiñados a mellorar o mundo
Asemade, os organizadores do foro, tralo que se atopan -como entidades colaboradoras- o IGAPE, a Consellería de Innovación, a Obra Social de Caixa Galicia e Mundos Dixitais, non queren dar as costas a un dos fenómenos recentes máis salientables da era global dende o punto de vista humano e solidario: o emprego do formato por videoxogo por parte de organizacións de todo o mundo para dar a coñecer os seus obxectivos e plans e traballar a prol dos dereitos humanos, o respecto polo medio ou mesmo a paz.
Este tipo de propostas, coñecidas como serious games, son creacións "destinadas sobre todo á formación corporativa ou a ámbitos como o terapéutico, a estimulación, a aprendizaxe dos usuarios ou á sensibilización sobre algunha problemática particular", sinala a organización. Así, o foro dedicará parte do programa a presentar algunha destas aplicacións, entre as que se conta Food Force (na imaxe), un xogo humanitario que foi deseñado para concienciar ós máis novos sobre o problema da fame no mundo e a desigualdade no reparto da riqueza. A empresa Deepend-Roma foi a encargada da súa posta en marcha, por encargo da ONU. Será presentado en A Coruña o día 5 por Mike Harrison, delegado de Deepend Roma.
Programa de actividades para dous escenarios
O Foro Internacional do Videoxogo desenvolverase en A Coruña ao longo de tres xornadas, estruturado en dúas partes e dous escenarios. O día 3, a xornada terá lugar no Edificio ITE, de Caixa Galicia, coa colaboración da Obra Social de Caixa Galicia e o IGAPE. Esta primeira sesión estará centrada na análise dos fundamentos sobre os que se cimenta o espectacular desenvolvemento da industria mundial do videoxogo e en xeral dos contidos dixitais para o que se conta coa participación de dous prestixiosos expertos daquel país, Sony Suzuki, directivo de IBM Global Engineering Services, e Kioshi Shin, delegado en Xapón da Asociación Internacional de Desenvolvedores de Videoxogos, que presentarán os relatorios titulados Libro branco da cadea de abastecemento de contidos dixitais e Visión xeral do crecente mercado xaponés de serious games.
Os días 4 e 5, o Foro Internacional do Videoxogo traslada o seu escenario á Fundación Caixa Galicia, onde seguirá a súa andaina en colaboración coa Obra Social de Caixa Galicia e a Consellería de Innovación e Industria, dentro da programación de Mundos Dixitais. O día 4 celebrarase un debate sobre a converxencia entre o videoxogo e o cine, no que intervirán directivos dalgunha das institucións e empresas máis representativas no mercado nacional, como o Laboratorio Gamelab, da Universidade de Oviedo; Arvirago Gamecraft; Nikodemo e Revistronic. O 5 está previsto abordar en sucesivos relatorios As tendencias nos serious games e as súas aplicacións máis novidosas e solidarias para o que se contará coa participación do fundador e director de Meristation, unha das publicacións especializadas en videoxogos máis importantes de España.
