A sociedade global ten moitos paradoxos, pero un dos que nos máis nos chama a atención é o seguinte: na actualidade e, en contra do que se podería agardar, os grupos que máis rendemento tiran das posibilidades de convocatoria das ferramentas globais por excelencia (redes, móbiles, etc) son en boa medida os grupos anti-sistema. Ou sexa: Internet, creada por militares e auspiciada logo polas grandes multinacionais que moven (ou queren mover) os fíos do mundo, constitúe agora un dos principais instrumentos de comunicación das mentes e vontades inquietas de todo o planeta.
De feito, non se concibe apenas unha mobilización sen o apoio da Internet, tal e como se pode comprobar estes días coas concentracións preparadas en Pamplona no marco dos Sanfermíns para esixir o cese da violencia contra os touros. Podemos velo na web www.encierrohumano.com, onde Personas polo Trato Ético dos Animais (PETA) informan de actividades como a marcha nudista preparada para o 5 de xullo ás 13.00 horas (na xornada previa ó txupinazo) e na que participarán persoas de máis 30 países convocadas por Internet.
-
Actualidade
Fernando Sarasqueta
Actualidade
A sociedade global ten moitos paradoxos, pero un dos que nos máis nos chama a atención é o seguinte: na actualidade e, en contra do que se podería agardar, os grupos que máis rendemento tiran das posibilidades de convocatoria das ferramentas globais por excelencia (redes, móbiles, etc) son en boa medida os grupos anti-sistema. Ou sexa: Internet, creada por militares e auspiciada logo polas grandes multinacionais que moven (ou queren mover) os fíos do mundo, constitúe agora un dos principais instrumentos de comunicación das mentes e vontades inquietas de todo o planeta.
De feito, non se concibe apenas unha mobilización sen o apoio da Internet, tal e como se pode comprobar estes días coas concentracións preparadas en Pamplona no marco dos Sanfermíns para esixir o cese da violencia contra os touros. Podemos velo na web www.encierrohumano.com, onde Personas polo Trato Ético dos Animais (PETA) informan de actividades como a marcha nudista preparada para o 5 de xullo ás 13.00 horas (na xornada previa ó txupinazo) e na que participarán persoas de máis 30 países convocadas por Internet.
Na devandita web ofrécese información sobre os diversos xeitos de tomar partido nesta causa, amais de imaxes e vídeos sobre actividades postas en marcha en anos anteriores. A xuízo de PETA, agárdase unha nutrida participación procedente de toda Europa, sobre todo tendo en conta que, segundo as máis recentes enquisas independentes, a gran maioría (81% dos belgas, 93% dos alemáns, 82% dos suízos, 72% dos españois) da sociedade do continente está en contra deste tipo de tradicións.
