Segundo un dos órganos que velan en Australia pola competencia xusta e o respecto ó consumidor, Google engana ós seus usuarios, e faino omitindo a identificación clara e manifesta das súas ligazóns publicitarias, permitindo que os internautas preman nelas pensando que se trata do produto da súa procura particular. Esta é a principal razón pola que a ACCC (siglas en inglés), a Comisión Australiana da Competencia e o Consumo, vén de demandar ó coñecido buscador perante a Corte Federal daquel país, que avaliará a acusación a partir do 21 de agosto.
-
Actualidade
/
tres
Fernando Sarasqueta
Actualidade tres
Segundo un dos órganos que velan en Australia pola competencia xusta e o respecto ó consumidor, Google engana ós seus usuarios, e faino omitindo a identificación clara e manifesta das súas ligazóns publicitarias, permitindo que os internautas preman nelas pensando que se trata do produto da súa procura particular. Esta é a principal razón pola que a ACCC (siglas en inglés), a Comisión Australiana da Competencia e o Consumo, vén de demandar ó coñecido buscador perante a Corte Federal daquel país, que avaliará a acusación a partir do 21 de agosto.
Para a ACCC, Google infrinxe as leis sobre o comercio diluíndo as fronteiras que, ó seu xuízo, deberían diferenciar claramente o que é resultado dunha busca espontánea do que é proposta interesada. Pola súa parte, o xigante afirma que con esta actitude non comete infracción algunha, e que o proceso iniciado pola Comisión é un obstáculo contra todas as ferramentas de busca que operan en Internet e, en última instancia, contra as empresas que as empregan para petar na porta dos seus clientes.
