Se tivésemos que representar graficamente o futuro do mercado do videoxogo teríamos unha gran curva ascendente para a que sería preciso habilitar todo o espazo posible, co fin de que non fuxise polo límite superior ás primeiras de cambio. Así de optimistas nas posibilidades do sector se están a amosar os diversos participantes do Foro Internacional do Videoxogo que organiza na Coruña o Clúster Audiovisual Galego : en 2005 o sector tivo en España un beneficio de 863 millóns de euros, superando por exemplo ó cinema, que xerou 623 millóns. O futuro tamén pinta ben para a nosa terra, onde semella que se pode falar xa dunha industria que agroma dende o centro mesmo da innovación.
Así, no Foro vanse presentar tres interesantes propostas galegas: SQR, E.L.E. e Donkey Xote. O primeiro dos videoxogos xa foi dado a coñecer no ITE de Caixa Galicia polo equipo responsable do seu deseño e posta en marcha, a firma Uber Cool Games (na imaxe, "capturados" por La Voz), pertencente á empresa galega Pixel Graphics. Trátase dun xogo de estratexia por quendas que semella ter xurdido logo dun exhaustivo proceso de estudo das actuais tendencias tecnolóxicas. É dicir: a pouco que nos introduzamos nel poderemos ver unha manchea de detalles vinculados á Rede 2.0, sobre todo na súa arela de facer comunidade.
-
Actualidade
/
dous
Fernando Sarasqueta
Actualidade dous
Se tivésemos que representar graficamente o futuro do mercado do videoxogo teríamos unha gran curva ascendente para a que sería preciso habilitar todo o espazo posible, co fin de que non fuxise polo límite superior ás primeiras de cambio. Así de optimistas nas posibilidades do sector se están a amosar os diversos participantes do Foro Internacional do Videoxogo que organiza na Coruña o Clúster Audiovisual Galego : en 2005 o sector tivo en España un beneficio de 863 millóns de euros, superando por exemplo ó cinema, que xerou 623 millóns. O futuro tamén pinta ben para a nosa terra, onde semella que se pode falar xa dunha industria que agroma dende o centro mesmo da innovación.
Así, no Foro vanse presentar tres interesantes propostas galegas: SQR, E.L.E. e Donkey Xote. O primeiro dos videoxogos xa foi dado a coñecer no ITE de Caixa Galicia polo equipo responsable do seu deseño e posta en marcha, a firma Uber Cool Games (na imaxe, "capturados" por La Voz), pertencente á empresa galega Pixel Graphics. Trátase dun xogo de estratexia por quendas que semella ter xurdido logo dun exhaustivo proceso de estudo das actuais tendencias tecnolóxicas. É dicir: a pouco que nos introduzamos nel poderemos ver unha manchea de detalles vinculados á Rede 2.0, sobre todo na súa arela de facer comunidade.
Porén, a proposta da firma UCG adiántase tamén ó seu tempo e engade o que resulta xa imprescindible nun mercado tan competitivo como este do que falamos: o elemento innovador, que viría dado polo feito de ser un xogo operativo en móbiles e Rede, integrando até o máximo as dúas tecnoloxías.
Segundo apuntou na Coruña o equipo de UCG, "trátase dun xogo de estratexia, a medio camiño entre o xadrez e o Pokemon, multixogador, no que podemos atopar cinco clases de personaxes, que terán que descifrar diversas claves para ir adquirindo habilidades de xeito que os personaxes acaden fortalecemento, e coa posibilidade de intercambialas entre os xogadores". O produto foi presentado na Coruña por Beatriz Legerén, xerente de Pixel Graphics, que acudiu acompañada do resto do equipo desenvolvedor do xogo: Javier Martín, director de desenvolvemento; José Luis González Castro, responsable de produción do proxecto e José Carlos Bellido, responsable de programación.
A presentación de xogos galegos continuará na xornada de hoxe día 4 co desembarco na cidade da Coruña de E.L.E. (Evento Ligado á Extinción), un produto desenvolvido de maneira conxunta entre as empresas galegas Continental Games (A Coruña) e Alias 3D (Vigo) e coa posta en longo (previa ó lanzamento oficial) de Donkey Xote, deseñado por Revistronic por encarga de Filmax.
