O software libre ábrese camiño na formación (e viceversa) e afiánzase como un eido de negocio e de viabilidade empresarial. De aí, dese interese crecente pola informática de código aberto dende tódalas instancias da sociedade, xorden iniciativas como o Máster de Software Libre que financia Caixanova (que conta coa colaboración Grupo LibreSoft de la Universidad Rey Juan Carlos e Igalia), do que xa coñecemos o comité asesor.
Este, que ten como finalidade cooperar na avaliación dos contidos académicos do máster, está constituído por diversos representantes da comunidade internacional de software libre, "persoeiros de renome cunha experiencia que integrase a relación entre os deseñadores e usuarios de programas de código aberto coa empresa", segundo sinala Javi Vázquez no seu blog.
-
Software libre
/
tres
Fernando Sarasqueta
Software libre tres
O software libre ábrese camiño na formación (e viceversa) e afiánzase como un eido de negocio e de viabilidade empresarial. De aí, dese interese crecente pola informática de código aberto dende tódalas instancias da sociedade, xorden iniciativas como o Máster de Software Libre que financia Caixanova (que conta coa colaboración Grupo LibreSoft de la Universidad Rey Juan Carlos e Igalia), do que xa coñecemos o comité asesor.
Este, que ten como finalidade cooperar na avaliación dos contidos académicos do máster, está constituído por diversos representantes da comunidade internacional de software libre, "persoeiros de renome cunha experiencia que integrase a relación entre os deseñadores e usuarios de programas de código aberto coa empresa", segundo sinala Javi Vázquez no seu blog.
O obxectivo, en última instancia, é acadar un programa formativo práctico e orientado a potenciar os seus aspectos máis empresariais. Estes serían os integrantes do comité:
· Miguel de Icaza, vicepresidente de Developer Platform en Novell, fundador do proxecto GNOME e impulsor do proxecto Mono.
· Richard Stallman (na imaxe), presidente da FSF e fundador do proxecto GNU.
· Bdale Garbee, xefe tecnolóxico da área Open Source & Linux de HP a nivel mundial e, tamén, presidente de Software in the Public Interest.
· Carlos Guerreiro, líder de OSSO Desktop team en Nokia Multimedia, relacionado directamente co proxecto Maemo.
· Alberto Abella, director de desenvolvemento corporativo da Fundación CENATIC e co-autor do Libro Branco de Software Libre.
· Marcelo D'Elia Branco, coordinador da Rede Internacional das Administracións Públicas polo Software Libre.
Para máis información sobre as traxectorias de cada un dos membros do comité, cómpre visitar a web de Caixanova.
